Paring met jou slimfoon
Jy kan jou Garmin® toestel met jou slimfoon en die Garmin Drive™ toepassing paar om bykomende kenmerke te ontsper en toegang tot regstreekse inligting te kry (Regstreekse Dienste, Verkeer en Slimfoonkenmerke) .
- Installeer die Garmin Drive toepassing vanuit die toepassingwinkel op jou slimfoon.
- Skakel jou Garmin toestel aan en plaas die toestel en jou slimfoon binne 3 m (10 vt.) van mekaar.
- Maak die Garmin Drive toepassing op jou foon oop.
- Volg die instruksies op die skerm om by ’n Garmin rekening aan te teken en die paar- en opstelproses te voltooi.
Die hoof-toepassingpaneelbord verskyn. Nadat die toestelle gepaar is, verbind hulle outomaties wanneer hulle aangeskakel en binne reikafstand is.