Spring na hoofinhoud

Bywerking van kaarte en sagteware met behulp van ’n Wi‑Fi netwerk

KENNISGEWING

Kaart- en sagtewarebywerkings kan moontlik vereis dat die toestel groot lêers aflaai. Gewone datalimiete of -heffings van jou internetdiensverskaffer geld. Kontak jou internetdiensverskaffer vir meer inligting oor datalimiete of -heffings.

Jy kan die kaarte en sagteware bywerk deur jou toestel aan ’n Wi‑Fi® netwerk te koppel wat toegang tot die internet verskaf. Dit stel jou in staat om jou toestel bygewerk te hou sonder om dit aan ’n rekenaar te koppel.

  1. Koppel die toestel aan eksterne krag met behulp van die ingeslote USB-kabel.
    LET WEL: ’n USB-kragaansluitprop word nie ingesluit nie. Gaan na die produkblad op garmin.com om ’n kragaansluitprop te koop.
  2. Verbind die toestel aan ’n Wi‑Fi netwerk (Verbind aan ’n koordlose netwerk).

    Terwyl die toestel aan ’n Wi‑Fi netwerk verbind is, kontroleer dit outomaties vir beskikbare bywerkings en vertoon dit ’n kennisgewing wanneer ’n bywerking beskikbaar is.

  3. Kies ’n opsie:

    • Wanneer ’n bywerkingkennisgewing verskyn, vee af vanaf die bokant van die skerm en kies ’n Bywerking is beskikbaar..

    • Om per hand vir bywerkings te soek, kies Instellings > Nutsmiddels > Stelselbywerkings.

    Die toestel vertoon beskikbare kaart- en sagtewarebywerkings. Wanneer ’n bywerking beskikbaar is, verskyn Bywerking beskikbaar onder Kaart of Sagteware.

  4. Kies ’n opsie:

    • Om alle beskikbare bywerkings te installeer, kies Laai af.

    • Om slegs kaartbywerkings te installeer, kies Kaart.

    • Om slegs sagtewarebywerkings te installeer, kies Sagteware.

  5. Indien nodig, lees die lisensie-ooreenkomste, en kies Aanvaar Almal om die ooreenkomste te aanvaar.
    LET WEL: Indien jy nie met die lisensiebepalings saamstem nie, kan jy Verwerp kies. Dit stop die bywerkingproses. Jy kan nie bywerkings installeer totdat jy nie die lisensie-ooreenkomste aanvaar het nie.
  6. Hou die toestel aan eksterne krag gekoppel en binne bereik van Wi‑Fi se netwerk totdat die bywerkingsproses voltooi is.
LET WEL: Indien ’n kaartbywerking onderbreek of gekanselleer word voordat dit voltooi is, kan jou toestel moontlik kaartdata ontbreek. Jy moet die kaarte weer bywerk om ontbrekende kaartdata te herstel.
GUID-157A2412-594F-45D8-A5EE-5A5327DA0914 v8
Oktober 2024
© 2021 Garmin Ltd.