Alle microSD® geheuekaarte hou op werk nadat dit baie kere oorskryf is. Omdat die paneelbordkamera die heeltyd opneem, moet jy die geheuekaart van tyd tot tyd vervang (Installasie van die Paneelbordkamera-geheuekaart). Jou toestel bespeur geheuekaartfoute outomaties en waarsku jou wanneer dit tyd is om jou geheuekaart te vervang.
Jy kan hierdie stappe doen om die geheuekaart se gebruiksduur te help verleng.
- Skakel die toestel af wanneer jou voertuig nie gebruik word nie.
Indien jou toestel nie aan ’n aansittergeaktiveerde voertuigkragpunt gekoppel is nie, moet jy die toestel afskakel wanneer jou voertuig nie gebruik word nie, om te verhoed dat die paneelbordkamera onnodige beeldmateriaal opneem.
- Dra gebergde videomateriaal oor na ’n rekenaar.
Die geheuekaart hou langer wanneer daar meer beskikbare spasie op die kaart is.
- Gebruik ’n geheuekaart van hoë gehalte met ’n spoedgradering van klas 10 of hoër.
Koop jou plaasvervanger-geheuekaart by ’n hoëgehaltevervaardiger en ’n verkoper met ’n goeie naam.