Jou toestel bied kenmerke wat kan help om veiliger bestuur aan te moedig en doeltreffendheid te verhoog, selfs wanneer jy in ’n bekende area bestuur. Die toestel speel ’n hoorbare klank of boodskap en vertoon inligting vir elke waarskuwing. Jy kan die hoorbare toon vir sekere tipes bestuurderwaarskuwings ontsper of versper. Nie alle waarskuwings is in alle gebiede beskikbaar nie.

Skole

Die toestel speel ’n klank en vertoon die spoedgrens (indien beskikbaar) vir ’n naderende skool of skoolterrein.

Spoedgrensoorskryding

Die toestel speel ’n klank en vertoon ’n rooi rand om die spoedgrensikoon wanneer jy die gegewe spoedgrens vir die huidige pad oorskry.

Spoedgrensverandering

Die toestel speel ’n klank en vertoon die naderende spoedgrens sodat jy voorbereid kan wees om jou spoed aan te pas.

Verkeerde rigting in ’n eenrigtingstraat

Die toestel speel ’n boodskap en vertoon ’n volskermwaarskuwing as jy in die verkeerde rigting in ’n eenrigtingstraat reis. Die kante van die skerm vertoon rooi en ’n waarskuwing bly wys bo aan die skerm totdat jy die eenrigtingstraat verlaat of in die regte rigting begin ry.

Spooroorgang

Die toestel speel ’n klank om ’n naderende spooroorgang aan te dui.

Diereoorgang

Die toestel speel ’n klank om ’n naderende diereoorganggebied aan te dui.

Draaie

Die toestel speel ’n klank om ’n draai in die pad aan te dui.

Stadiger verkeer

Die toestel speel ’n klank om stadiger verkeer aan te dui wanneer jy teen ’n hoër spoed stadiger verkeer nader. Jou toestel moet verkeersinligting ontvang om hierdie kenmerk te kan gebruik (Verkeer).

Rustydbeplanning

Die toestel speel ’n klank en stel naderende stilhouplekke voor nadat jy vir ’n lang tyd bestuur het.

Geen vragmotors toegelaat nie

Die toestel speel ’n klank wanneer jy ’n pad nader waar vragmotors nie toegelaat word nie.

Risiko van grondkontak

Die toestel speel ’n klank en vertoon ’n boodskap wanneer jy ’n pad nader waar die onderkant van jou voertuig met die grond kontak kan maak.

Laterale wind

Die toestel speel ’n klank en vertoon ’n boodskap wanneer jy ’n pad nader waar daar ’n risiko van laterale wind is.

Nou pad

Die toestel speel ’n klank en vertoon ’n boodskap wanneer jy ’n pad nader wat dalk te nou vir jou voertuig is.

Steil heuwel

Die toestel speel ’n klank en vertoon ’n boodskap wanneer jy ’n steil heuwel nader.

Staat- en landsgrense

Die toestel speel ’n klank en vertoon ’n boodskap wanneer jy die grens van ’n staat of land nader.