Jou toestel bied kenmerke wat kan help om veiliger bestuur aan te moedig en doeltreffendheid te verhoog, selfs wanneer jy in ’n bekende area bestuur. Die toestel speel ’n hoorbare klank of boodskap en vertoon inligting vir elke waarskuwing. Jy kan die hoorbare toon vir sekere tipes bestuurderwaarskuwings ontsper of versper. Nie alle waarskuwings is in alle gebiede beskikbaar nie.

Skole

Die toestel speel ’n klank en vertoon die spoedgrens (indien beskikbaar) vir ’n naderende skool of skoolterrein.

Spoedgrensoorskryding

Die toestel vertoon ’n rooi rand op die spoedgrensikoon wanneer jy die gegewe spoedgrens vir die huidige pad oorskry.

Spoedgrens verlaag

Die toestel speel ’n klank en vertoon die naderende spoedgrens sodat jy voorbereid kan wees om jou spoed aan te pas.

Verkeerde rigting in ’n eenrigtingstraat

Die toestel speel ’n boodskap en vertoon ’n volskermwaarskuwing as jy in die verkeerde rigting in ’n eenrigtingstraat reis. Die kante van die skerm vertoon rooi en ’n waarskuwing bly wys bo aan die skerm totdat jy die eenrigtingstraat verlaat of in die regte rigting begin ry.

Spooroorgang

Die toestel vertoon die afstand na ’n naderende spooroorgang.

Diereoorgang

Die toestel speel ’n klank om ’n naderende diereoorganggebied aan te dui.

Draaie

Die toestel speel ’n klank om ’n draai in die pad aan te dui.

Stadiger verkeer

Die toestel speel ’n klank om stadiger verkeer aan te dui wanneer jy stadiger verkeer teen ’n hoër spoed nader. Jou toestel moet verkeersinligting ontvang om hierdie kenmerk te kan gebruik (Verkeer).

Konstruksiesone

Die toestel speel ’n klank en vertoon ’n boodskap wanneer jy ’n konstruksiesone nader.

Baansluiting

Die toestel speel ’n klank en vertoon ’n boodskap wanneer jy ’n baansluiting nader.

Rustydbeplanning

Die toestel speel ’n klank en stel naderende stilhouplekke voor nadat jy vir ’n lang tyd bestuur het.